Íslandsbærinn er fjögurra bursta bær í gömlum stíl sem leigist út sem ein heild, staðsett í Eyjafjarðarsveit um 7km. frá Akureyrarflugvelli. Íslandsbærinn er tilvalinn staður fyrir fjölskyldur eða vini sem vilja láta fara vel um sig á yndislegum stað.
Í húsinu eru fjögur herbergi með uppábúnum rúmum fyrir sjö til átta manns, hægt er að ganga út á verönd að heitum potti úr hverju herbergi. Á rúmum er merkt rúmföt og handklæði ásamt sloppum fyrir gesti.
Tvö baðherbergi eru á staðnum með snyrtivörum, gestum að kostnaðarlausu. Rúmgóð forstofa, fullbúin þvottaaðstaða. Stofa, borðstofa og eldhúsið í Íslandsbænum inniheldur öll helstu þægindi til þess að þú/þið njótið veru ykkar sem allra best. Má þar nefna: vandaður borðbúnaður fyrir 12 manns, ísskápur með klaka og vatnsvél, vínkælir, örbylgjuofn, eldavél, bakaraofn svo eitthvað sé nefnt.
Kaffi, te og súkkulaði er í boði hússins.

Við húsið er meðal annars sólpallur með heitum potti, grillaðstöðu og upphitaðri geymslu fyrir skíða og golfbúnað.

Verk eftir listakonuna Sunnu Björk prýða veggi staðarins.

Sé þess óskað er hægt að panta morgunverðartrog., vinsamlegast sendið þá póst á: oldfarm@oldfarm.is